حساب التفاضل (ريض 101)

المنهج باللغة الانجليزية ( لكن بسيطه ان شاء الله ماينشال همها) ويتكون من اربع فصول :
١-الدوال
٢- النهايات
٣- الاشتقاق
٤- تطبيقات الاشتقاق

اعتقد سمعتوا كلام مره يخوف عن المادة هو صدق المنهج مختلف شوي واعمق من رياضيات الثانوي يحتاج جهد منك وتدريب وحل مسائل عشان تقدرين تكونين ملمة بكل الافكاروما يصعب عليك شيء في الاختبار  . وطبعًا طرق المذاكرة كثيرة ، كل بنت تختلف عن الثانيه لكن الاهم انك تعرفين ان المذاكرة تحتاج وقت ابدا ما يكفيه يوم وتحتاجين فيه انك تحلين كل شيء من امثله وريليتد واكسرسايز لانه افكار الاختبار ممكن تطلع من الكتاب شويتين بس ابدا ما يعني انها ماده صعبه او ان صعب فيها الاي بلس❌ تجارب الناس تختلف ابذلوا الاسباب وباذن الله ربي ما يضيع لكم تعب .
وحلو تشوفون أسئلة الاختبارات السابقة ممكن يجي نفس افكارها

تقسيم الدرجات :
١٠ واجبات (واجبين)
فقرات الواجب بالعادة تكون تحتاج تفكير و وقت منك لحلها ,حاولوا تحلونها بنفسكم اول شيء بعدين تتأكدون من بعض او من استاذاتكم او من الحلول الي بتوصلكم من بعض الاساتذة ( استاذ هشام كان ينزل حل كل واجب بس ممكن احيان يكون فيها اغلاط ويعدلها , حسابه بتويتر : @heshamelmoghazi )

٢٥ الميد الاول
٢٥ الميد الثاني
٤٠ فاينل

طريقة الاختبار :
الاسئلة كلها تكون مسائل ويعطونك دفتر خارجي للحل

المصادر :
- شرح نضال الطلاح باليوتيوب ( الفصل الاول راح يكون من ريض١٤٠ والباقي من ١٥٠ )
روابط شروحاته من الفصل الثاني الى الرابع :
math101
- ملزمة محمد ندا لحل الاكسرسايز والاسئله السابقة


المرفقات :

- رابط للاختبارات السابقة والواجبات :
ريض 101

- رابط لأمثلة الكتاب محلوله :
أمثلة ,ريض101